தேசிய அஞ்சல் வார விழாவானது கன்னியாகுமரி அஞ்சல் கோட்டத்தில் சிறப்பாக நடைபெற்று வருகிறது. இதன் ஒரு பகுதியாக
11 ஆம் தேதி தபால் தலை சேகரிப்பு நாள் சிறப்பாக கொண்டாடடப்பட்டது. இந்நிகழ்வை முன்னிட்டு தபால் தலை சேகரிப்பு கருத்தரங்கு தக்கலை தலைமை தபால் நிலையத்தில் வைத்து நடைபெற்றது. அதனைத் தொடர்ந்து பள்ளி மாணவ மாணவிகளுக்கான வினாடி வினா போட்டி நடைபெற்றது. தபால் தலை சிறப்பு கண்காட்சி ஒன்றும் காட்சிப்படுத்தப்பட்டது. மதுரை தென்மண்டல அஞ்சல் துறை தலைவர் ஜெயசங்கர் விழாவில் கலந்து கொண்டு போட்டியில் வெற்றி பெற்ற மாணவ மாணவிகளுக்கு பரிசுகளை வழங்கினார். கன்னியாகுமரி கோட்ட முதுநிலை அஞ்சல் கண்காணிப்பார் செந்தில் குமார், அஞ்சலக அதிகாரிகள், ஊழியர்கள், ஏராளமான பள்ளி மாணவ மாணவிகள் மற்றும் வாடிக்கையாளர்கள் நிகழ்வுகளில் கலந்து கொண்டு விழாவினை சிறப்பித்தனர்.