பெண் யானை உயிரிழப்பு

அழகியபாண்டியபுரம் வனச்சரகம் அசம்பு பீட் தூவச்சி சராகம் இஞ்சிக்கடவு பகுதிக்கு அருகாமையில் உள்ள தோவாளை வட்டம் காட்டுப்புதூர் கிராமம் அப்பர் விக்டோரியா தனியார் தோட்ட பகுதியில் பெண் யானை ஒன்று இறந்து கிடப்பது தனியார் தோட்டத்தில் பணிபுரியும் பணியாளர்கள் மூலம் தெரியவந்தது. தகவல் அறிந்ததும் உயர் அலுவலர்களுக்கு தகவல் தெரிவிக்கப்பட்டது. வனப்பாணியாளர்கள் உடனடியாக சம்பவ இடம் சென்று தணிக்கை செய்த போது சுமார் 40 வயதுடைய பெண் யானை ஒன்று வனத்தில் உள்ள ஒரு சிறிய குன்றின் மேல் இருந்து தற்செயலாக விழுந்து இறந்துள்ளது தெரியவந்தது. இதனையடுத்து மாவட்ட வன அலுவலர் , உதவி வனப்பாதுகாவலர் (பயிற்சி), களக்காடு முண்டந்துறை புலிகள் காப்பக கால்நடை மருத்துவர், தடிகாரன்கோணம் கால்நடை மருத்துவர் மற்றும் வனப் பணியாளர்கள், அமைப்பு சாரா பணியாளர்கள் முன்னிலையில் உரிய நெறிமுறைகளை பின்பற்றி உடற் கூறு ஆய்வு செய்யப்பட்டது. உடற்கூறு ஆய்வுக்கு பின் யானை தனியார் தோட்டத்தின் அருகில் உள்ள பகுதியில் புதைக்கப்பட்டது.