கன்னியாகுமரி மாவட்டம் 10ஆம் வகுப்பு தேர்வில் 96. 24 சதவீதம் தேர்ச்சி பெற்று உள்ளது.
தமிழகத்தில் பத்தாம் வகுப்பு பொதுத் தேர்வு முடிவுகள் இன்று (10 ம் தேதி) காலை வெளியிடப்பட்டது. தேர்வு முடிவுகளை tnresults.nic.in என்ற இணையதளம் வாயிலாக மாணவர்கள் பார்க்க ஏற்பாடு செய்யப்பட்டிருந்தது. மேலும், மாணவ, மாணவிகளின் பதிவு செய்யப்பட்ட செல்போன்களுக்கும் தேர்வு முடிவுகள் நேரடியாக அனுப்பி வைக்கப்பட்டு உள்ளது.
கன்னியாகுமரி மாவட்டத்தில் 10 ம் வகுப்பு தேர்வை மாணவர்கள் 11101 பேரும் , மாணவிகள் 11422 பேர்கள் என மொத்தம் 22 ஆயிரத்து 523 பேர்கள் தேர்வு எழுதியதில் மாணவா்கள் 10466 பேர்களும் மாணவிகள் 11210 பேர்கள் என மொத்தம் 21676 பேர்கள் தேர்ச்சி பெற்று உள்ளனர். இந்த தேர்ச்சி 96.24 சதவீதம் ஆகும்.