பூதப்பாண்டி வனச்சரகம் பணகுடி பகுதியில் உடும்பு வேட்டையாடி வருவதாக குமரி மாவட்ட வன அலுவலருக்கு தொடர் தகவல்கள் வந்ததது. அதன் அடிப்படையில் பூதப்பாண்டி வனச்சரக அலுவலர் ரவீந்திரன் தலைமையில் சிறப்புக்குழு பணகுடி குத்திர பாஞ்சான் பகுதியில் கண்காணிப்பு பணி மேற்கொள்ளும் போது சந்தேகப்படும் வகையில் 3 நபர்கள் இரண்டு இரு சக்கர வாகனத்தில் வந்தவர்களை தடுத்து நிறுத்தி சோதனை செய்த போது அதில் உடும்பு ஒன்று வேட்டையாடி உயிருடன் வைக்கப்பட்டிருந்ததை பார்த்து விசாரணை நடத்தபட்டது. உடும்பினை வேட்டையாடியவர் பணகுடி பகுதியை சேர்ந்த சுடலைமாடன் (20), அஜித்(25) என தெரியவந்தது. அஜித் தப்பி ஓடிவிட்டார். பிடிப்பட்ட சுடலைமாடனை கைது செய்து விசாரணை நடத்தி நீதி மன்றத்தில் ஆஜர்படுத்தி சிறையில் அடைத்தனர். மேலும் சில நபர்கள் இதில் சம்பந்தப்பட்டிருக்கலாம். என தெரியவருகிறது. தப்பி ஓடியவரை வனத்துறையினர் வலை வீசி தேடி வருகிறார்கள்.