சுவிஸ் கூட்டமைப்புத் தலைவர், இந்தியாவில் மேற்கொண்ட அரசுமுறைப் பயணத்தின் ஒரு பகுதியாக, இரு நாடுகள் இடையே பல்வேறு துறைகளில் ஒத்துழைப்பை மேம்படுத்துவதற்கான ஒப்பந்தங்கள் கையெழுத்தாகி உள்ளன.
இந்தியா – சுவிட்சர்லாந்து நாடுகள் இடையே சமத்துவக் கொள்கைகளின் அடிப்படையில், புலம் பெயர்வு, பயணிகள் போக்குவரத்து சார்ந்த ஒத்துழைப்பை மேம்படுத்துவதற்கும், தேசிய சட்டங்களுக்கு ஏற்ப, முறையற்ற புலம் பெயர்வு, மனிதவள சுரண்டல் போன்ற சட்ட விரோத செயல்களைத் தடுப்பதற்கும் புலம் பெயர்தல், பயணிகள் போக்குவரத்து சார்ந்த ஒத்துழைப்பு குறித்த புரிந்துணர்வு ஒப்பந்ததம் வகை செய்கிறது. 5 ஆண்டுகள் வரை, ஒவ்வொரு வருகையின் போதும் 6 மாதங்கள் வரை தங்கும் வசதியுடன் கூடிய விசா வழங்குவது, புதுப்பிக்கக்கூடிய 1 ஆண்டு மாணவர் விசா வழங்குவதற்கான அனுமதிகளையும் வழங்குவதற்கும் இந்த ஒப்பந்தத்தில் வகை செய்யப்பட்டு உள்ளது.
தொழில்முறை, மொழித் திறன்களை மேம்படுத்திக்கொள்ளும் வகையில், பிற நாடுகளில் தற்காலிகப் பணியில் ஈடுபடும் இளம் தொழில்முறை நிபுணர்களின் பரிமாற்றத்தை முறைப்படுத்துவதை, இளம் தொழில்முறை நிபுணர்கள் பரிமாற்றம் குறித்த ஒப்பந்தம் நோக்கமாகக் கொண்டு உள்ளது. இந்த ஒப்பந்தம், ஒவ்வொரு நாட்டில் இருந்தும் ஆண்டுக்கு 300 நபர்கள் (இது 500 வரை அதிகரிக்கப்படலாம்) பரிமாற்றம் செய்யப்படுவதையும், குடியுரிமை/குடியிருப்பு நிலையைச் சரிபார்க்க 30/90 நாட்கள் காலக்கெடுவையும், பிற விதிகளையும் உள்ளடக்கி உள்ளது.
இவ்விரு நாடுகள் இடையே, ஒருங்கிணைந்த பொருளாதார விவகாரங்கள், கல்வி, ஆராய்ச்சித் துறை, சாலைப் போக்குவரத்து, நெடுஞ்சாலைகள் அமைச்சகங்களுடன், போக்குவரத்துத் தொழில்நுட்பங்கள், அதற்கான கட்டமைப்பு வசதிகள், உள்கட்டமைப்புத் துறைகளில் ஒத்துழைப்பை ஊக்குவிக்கும் வகையில், புரிந்துணர்வு ஒப்பந்தங்கள் கையெழுத்தாகின.
இதன்படி, மின்சார வாகனங்கள், ரோப்வேகள் (கம்பிவடப் போக்குவரத்து), சுழற்சி பொருளாதாரம், சுரங்கப்பாதைகள், பிற போக்குவரத்துத் துறைகளில், தொழில்நுட்பங்கள், உள்கட்டமைப்பு வசதிகளை மேம்படுத்துவதன் மூலம், நிலையான உள்கட்டமைப்பு மேம்பாட்டில், ஒத்துழைப்பை ஊக்குவிப்பதை இந்த ஒப்பந்தம் நோக்கமாகக் கொண்டு உள்ளது.
மத்திய அறிவியல், தொழில்நுட்பத் துறை – சுவிஸ் தேசிய அறிவியல் அறக்கட்டளை ஆகியவற்றிற்கு இடையேயான ஒப்பந்தக் கடிதம் ஒன்றும் கையெழுத்தாகி உள்ளது.
ஆய்வுசார் அறிவியல் ஒத்துழைப்பை மேம்படுத்துதல், எதிர்காலத்தில் ஒருங்கிணைந்த ஆராய்ச்சிப் பணிகளுக்கான ஒத்துழைப்புக்களை உருவாக்குதல், பரஸ்பரம் ஏற்றுக் கொள்ளப்பட்ட முன்னுரிமை சார்ந்தப் பகுதிகளில், நீண்டகால முயற்சிகளைத் தக்கவைக்கும் வகையில், ஒரு விரிவான கட்டமைப்பை நிறுவுதல் ஆகிய நடவடிக்கைகள் மூலம், இந்தியா – சுவிஸ் நாடுகளுக்கு இடையேயான ஆராய்ச்சி நடவடிக்கைகளுக்கு நீண்டகால ஒத்துழைப்பை ஊக்குவிப்பதை இந்த விருப்பக் கடிதம் நோக்கமாகக் கொண்டு உள்ளது.
மத்திய அறிவியல், தொழில்நுட்பத் துறை – சூரிச் பயன்பாட்டு அறிவியல் பல்கலைக்கழகம் இடையே, புத்தாக்கம், தொழில்நுட்பப் பரிமாற்றம், தொழில்முனைவு ஆகியவற்றில், ஒத்துழைப்புக்கான செயலாக்க ஏற்பாடுகளை மேற்கொள்வதற்கான ஒப்பந்தம் ஒன்றும் கையெழுத்தாகி உள்ளது.
இந்த செயலாக்க ஏற்பாட்டின் மூலம், இருதரப்புத் தொழில்நுட்பப் பரிமாற்றம், கூட்டுப் பயிற்சிப் பட்டறைகள், திறன் மேம்பாடு, கட்டமைப்பு ஆகியவற்றின், தொடக்க நிலை புத்தொழில் நிறுவனங்களுக்கான இந்தோ-சுவிஸ் கல்வித்துறை-தொழில்துறை பயிற்சித் திட்டத்தைச் செயல்படுத்துவது, புத்தாக்கம், தொழில்நுட்பப் பரிமாற்றம், தொழில்முனைவு ஆகியவற்றில் இருதரப்பு ஒத்துழைப்பை மேம்படுத்துவதை நோக்கமாகக் கொண்டு உள்ளது.
இதனைத் தொடர்ந்து, மத்திய அறிவியல்,தொழில்நுட்ப அமைச்சகத்துடன் இணைந்து நடைபெறும், இந்தோ-சுவிஸ் ஆராய்ச்சி நடவடிக்கைகளுக்கான முன்னோடி நிகழ்ச்சியின் தொடக்க அமர்வு விரைவில் நடத்தப்படும் என்ற அறிவிப்பும் வெளியிடப்பட்டது.
